Пра Таварыства / Про Товариство

Таварыства Украінскай літаратуры пры Саюзе Беларускіх Пісьменнікаў
створана 14.04.2014.
Старшыня – пісьменніца Наталка Бабіна.

Мэты Таварыства:

- спрыянне ўкраінска-беларускім літаратурным сувязям і актывізацыя ўзаемных мастацкіх перакладаў;

- падтрымка беларускіх пісьменнікаў, якія жывуць у Беларусі і пішуць па-ўкраінску (ці на ўкраінскіх гаворках), а таксама беларускіх пісьменнікаў, якія жывуць ва Украіне і пішуць па-беларуску (ці на беларускіх гаворках);

- развіццё ўкраінскамоўнага прыгожага пісьменства ў Беларусі і беларускамоўнага прыгожага пісьменства ва Украіне;

- захаванне і папулярызацыя нацыянальных літаратурных спадчын  Беларусі і Украіны.

Таварыства будзе выдаваць кнігі, альманахі, часопісы на беларускай і ўкраінскай мовах, праводзіць грамадска-культурныя мерапрыемствы, накіраваныя на пашырэнне ведаў аб украінскай літаратуры і культуры ў Беларусі і беларускай літаратуры і культуры ва Украіне.

Сябрамі Таварыства могуць быць усе, хто падзяляе мэты Таварыства.

Таварыства рыхтуе да выдання альманах твораў беларускіх аўтараў, якія пішуць па-ўкраінску і на ўкраінскіх гаворках (галоўны рэдактар – Алесь Наварыч) у электронным і папяровым выглядзе.

Стварэнне Таварыства – гэта і жэст салідарнасці з Украінай, якая перажывае складаныя часы, і спроба ўзаемнай культурнай дапамогі.

Цяпер у Таварыстве больш за 20 сяброў. Ласкава запрашаем усіх, хто падзяляе мэты Таварыства, далучацца да працы.

Далучайцеся да нашых груп
Facebook: https://www.facebook.com/tavarystva.
УКантакце: http://vk.com/druziby

Пішыце нам на druzi.by@gmail.com

Leave a Reply